20 гаруй мянган мод, бут тарьжээ
Бүх нийтээр мод тарих хаврын өдрүүдээр Өвөрхангай аймгийн хэмжээнд 103 ААН, байгууллага, 7 мянга гаруй иргэн идэвхтэй оролцож, 22660 ширхэг мод, бутыг тарьсан байна.
Үүнээс Арвайхээр суманд 14800 мод, бут тарьсны 5 мянга гаруйг нийтийн эзэмшлийн талбайд тарьжээ. Мөн аж ахуйн нэгж, байгууллагууд гаднаа 3612, айл өрхүүд 6183 ширхэг мод бут тарьжээ.
Аймгийн БОАЖГ, “Арвайхээр цэцэрлэгжилт” ОНӨААТҮГ-аас 8,5 га ногоон байгууламжид 29050 ширхэг мод бут сөөгийг тарьж, 2000 метр ургамлан хашлага, 1600 м2 цэцгийн мандал, 6200 орчим зүлэгжүүлсэн талбайг байгуулаад байна.
Тарьц, суулгацын үзэсгэлэн худалдааг 5 сарын 14,15-ний өдөр зохион байгуулж, 6 аж ахуйн нэгж, 3 иргэн оролцон 14 нэр төрлийн 20500 ширхэг тарьц суулгацыг борлууллаа.
