50 гаруй иргэнд гарах зөвшөөрөл олгож, хулгайн замаар зорчсон 22 тээврийн хэрэгслийг саатуулжээ

Хот хоорондын авто тээврийн шалган нэвтрүүлэх товчоо болон Өвөрхангай аймгийн Арвайхээр сумын хэмжээнд бүсчилсэн хяналтын 12 пост гарган хяналт шалгалтыг эрчимжүүлэн тээврийн хэрэгслийн хөдөлгөөнийг дроноор хянаж байна.

Өнөөдөр /2020.02.27/ хяналтын цэг дээрх нөхцөл байдлыг харахад онцгой комиссын зөвшөөрөл болох нэвтрэх бичиг байхгүй, мөн хулгайн зам уул, жалгаар явж замын хөдөлгөөнд оролцохыг завдсан 22 тээврийн хэрэгсэл саатуулагджээ.

Мөн өнөөдөр \2020.02.27\ аймгийн Онцгой комиссоос ар гэрийн гачигдал, эрүүл мэндийн шалтгаанаар 50 гаруй иргэн аймгийн төвөөс гарах зөвшөөрлийн бичиг авсан тухай аймгийн Онцгой байдлын газраас мэдээлээ.