“Зүрхний хилэн”, “Манан будан” романаараа төрийн шагнал хүртсэн их зохиолч

Төрийн шагналт, Соёлын гавьяат зүтгэлтэн, зохиолч Жамбын Пүрэв нь

Өвөрхангай аймгийн Хайрхандулаан сумын нутаг Өргөн Ширэг гэдэг газар малчин ард Жамбын гэр бүлд төржээ. Бага насаа өвөг эцгийн гэрт өнгөрөөж 1937 онд Улаанбаатар хотод ирж Аж үйлдвэрийн комбинатын гутлын фабрикад ажилчин, 1939 онд Монгол Ардын Хувьсгалт цэрэгт татагдан улмаар офицерын сургууль төгсч, тэндээ курсын даргын алба хааж байгаад 1943 онд Намын боловсон хүчний дээд сургууль, Монгол Улсын Их сургууль, Москва хотноо А.М.Горькийн нэрэмжит Утга зохиолын дээд сургуулийн дээд курсыг тус тус төгсчээ.

МУИС-ийн түүхийн багш, намын хорооны дарга, Улаанбаатар хотын намын хорооны хоёрдугаар нарийн бичгийн дарга, ХААЯамны орлогч сайд, Сангийн аж ахуйг удирдах ерөнхий газрын дарга, Хэвлэл, утга зохиол хянах ерөнхий газрын дарга, Соёлын яамны дэргэдэх Намын хорооны дарга, МАХН-ын Түүхийн институтэд эрдэм шинжилгээний ахлах ажилтан, “Үнэн” сонинд утга зохиолын ажилтан, МЗЭ-ийн хороонд мэргэжлийн зохиолч зэрэг ажил хийж байгаад 1982 онд тусгай тэтгэвэрт гарсан байна.

1950 оноос уран зохиолын ажил туурвин, “Зүрхний хилэн”, “Манан будан”, “Аянга”, “Хөгжмийн эгшиг” зэрэг 30 роман, 22 тууж, 200 өгүүлэл, 40 найруулал, тэмдэглэл зэрэг богино хэлбэрийн зохиол, “Түлхүүрийн нууц” жүжиг, “Хан бүргэд” дуурийн цомнол, “Их хааны удам”, “Эртний нутгийн солонго” кино зохиол бичсэн юм.

Их зохиолчийн Төрийн шагнал хүртсэн “Зүрхний хилэн”, “Манан будан”, “Хөгжмийн эгшиг” романуудыг Болорсудар хэвлэлийн газар ХХ-р зууны шилдэг романаар өргөмжлөн, дахин нийтийн хүртээл болгосон байна.

Хэвлэгдсэн романы жагсаалт

1. Хөгжмийн эгшиг 1967 он

2. Аянга 1968 он

3. Гурван зангилаа 1971 он

4. Ундрах инженер 1975 он

5. Аадар бороо 1977 он

6. Мянган захидал 1980 он

7. Зүрхний хилэн 1983 он

8. Манан будан 1988 он

9. Сэтгэлийн дуулал 1991 он

10. Сүмбэр хангай өршөөсөн заяа 1994 он

11. Алтан очирт титэм 1996 он

12. Гамшиг зовлон 1996 он

13. Бүргэд харьд үүрлэдэггүй 1998 он

14. Хөшөө чулууны захиас 1999 он

15. Чонын үүр 2001 он

16. Гэмшилухаарал 2001 он

17. Буруу харсан хатиг 2001 он

18. Боржин цохио доргилоо 2002 он

19. Нууцалсан тайлан 2002 он

20. Хүн чулуу 2003 он

21. Хубилай хаан 2003 он

22. Ичих нүүргүй ертөнц 2003 он

23. Нүгэл нүглээ дагадаг 2003 он

24. Босоо ороолон 2004 он

25. Үхээрийн сүнс 2004 он

26. Мөхөлтэй өрсөлдсөн он жил 2005 он

27. Шуналын ян 2005 он

28. Их өргөөний голомт 2006 он

29. Үнэний эрэлд 2007 он